د تحصیلي نصاب د کمېټې ناسته تر سره شوه
د ۱۴۰۰ کال د وري میاشتې په ۱۶مه نېټه د پوهنتون د علمي چارو د مرستیال ښاغلي پوهاند جمشېد خان رشیدي په مشرۍ د پوهنتون د تحصیلي نصاب د کمېټې ناسته وشوه. په دې ناسته کې پر لاندې مواردو بحث وشو، تایید او تصویب شول:
۱. د پوهنتون د علمي چارو مرستیال د هغه نوي چک لېست په اړه لومړنۍ خبرې وکړې چې د لېسانس او ماسټرۍ تحصیلي دورو د نصاب د څارنې او بیاکتنې په اړه د لوړو زدهکړو وزارت د نصاب ملي کمېسیون رالېږلی و.
۲. د پوهنتون د تحصیلي نصاب د کمېټې د ۱۴۰۰ کال عملیاتي پلان تایید شو.
۳. د ۱۴۰۰ تحصیلي کال د نصاب کمېټې د ناستو پر وخت ټاکلو بحث وشو. د رایو په اتفاق سره یوه یوه اونۍ وروسته د دوشنبې ورځ او د ماسپښین ۱:۰۰ بجه تایید شوه.
۴. د پوهنځیو د تحصیلي نصابونو پر تطبیق د څار چک لېست تر اړینو اصلاحاتو وروسته تایید شو.
۵. د تحصیلي نصابونو پر تطبیق د څار لپاره د کمېټو د غړو وېش تایید او تصویب شو.
