د کابل ښوونې او روزنې پوهنتون کې د کادري بستونو آزموینه واخېستل شوه.
د شنبې په ورځ 1444/4/3هـ ق نېټه د کابل ښوونې او روزنې پوهنتون د علمي چارو مرستیال پوهاند جمشېد خان (رشیدي) د پوهنتون مالي او اداري چارو مرستیال انجینر صلاح الدین (ایوبي) او د محصلانو چارو مرستیال انجینر اکرام (صهیب) د آزموینې له بهیر څخه د لیدنې پر مهال استادانو ته سپارښتنه وکړه، چې ګډونوالو نوماندانو ته په ښه توګه لارښوونه وکړي او آزموينه دې د علمي نورمونو او اصولو سره سمه په شفافه توګه واخېستل شي، چې د هغوي له خوا د اجرااتو ډاډ ورکړل شو.
د انګلیسي ژبې آزموینه د کابل ښوونې او روزنې پوهنتون د طبیعي علومو پوهنځي له خوا د بېلابېلو پوهنځیو او ډیپارټمینټونو او د وردګو د لوړو زده کړو مؤسسې د فزیک، کیمیا او بیولوژي څانګو د اعلان شویو کادري بستونو لپاره واخېستل شوه.
د یاد پوهنتون د تکنالوجۍ آمر محمد منصور (واحدي) د آزموینې په اړه لنډ معلومات ورکړل، چې آزموېنه به په شفاف ډول د (Program(OEP)Online Exam) له لارې اخستل کېږي، چې دا سستم پرته له کوم جعل او لاس وهنې څخه خوندي دی او د آزموېنې پای ته رسېدو وروسته بې له کوم ځنډ نتيجه اعلانېږي، استادان او د آزموینې هیئت او ګډونوال کولای شي چې په یو وخت او یو ځای د آزموېنې نتیجه د کمپیوتر پر مخ وګوري.
د غونډې په پاى کې د ټولو ګډونوالو په حضور کې د پوښتنپاڼو لپاره د کمپیوترو یوزرونونه خلاص او رسماً آزموينه پيل شوه، چې د یاد پوهنتون د علمي چارو مرستیال پوهاند جمشېد خان (رشیدي) د استادانو په ملتيا د آزموينې له صحنې څخه لیدنه وکړه.
