د کابل ښوونې او روزنې پوهنتون او وردګ د لوړو زده کړو مؤسسې د علمي کادرنو، لپاره مسلکي (تحریري) آزموینه واخېستل شوه !
د کابل ښوونې او روزنې پوهنتون او وردګ د لوړو زده کړو مؤسسې دبېلا بېلو څانګو د علمي کادرونو د بریالیو نوماندانو څخه د مسلکي آزموینې د اخیستو بهیر، د شنبې ورځ 1444/4/8 نېټه د لوړو زده کړو وزارت د تقرر او علمي ترفیعاتو آمر حمیدالله " عابد " ور سره مل پلاوي، د یاد پوهنتون رییس پوهنوال لیلما شریفي یما د علمي چارو مرستیال پوهاند جمشېد خان " رشیدي" د مالي او اداري چارو مرستیال انجینر صلاح الدین " ایوبي " د محصلانو چارور مرستیال انجینر اکرام الله " صهیب " د ياد پوهنتون د پوهنځیو رییسانو، استادانو، او د څارنې کمیټې غړو په حضور کې آزموینه واخېستل شوه.
د پوهنتون د علمي چارو مرستیال ښاغلي "رشيدي" د مالي او اداري چارو مرستیال ښاغلي "ایوبي" د آزموینې له بهیر څخه د څارنې پرمهال د دې پروسې د شفافیت، امانتدارۍ، نظم او ډسپلین په اړه ټولو حاضرینو ته ډاډ ورکړ، همدارنګه یې څرګنده کړه چې په پوهنتونونو کې د علمي کادر د استخدام معیار د کاندیدانو وړتیا ته په کتو سره ترسره کېږي.
د یادونې وړه ده چې، په دې آزموینه کې ګڼ شمېر نارینه او ښځینه بریالیو کاندیدانو ګډون درلود .
