کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د طبیعي علومو پوهنځي استادانو سره ولیدل!
دوشنبې ورځ د 24/7/1402 هـ.ش چې له 30/3/1445 هـ.ق نېټې سره سمون لري د کابل ښوونې او روزنې پوهنتون رئیس د طبیعي علومو پوهنځي له استادانو سره لیدنه وکړه.
غونډه د قرانکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، علمي چارو مرستیال، طبیعي علومو پوهنځي رئیس او استادانو ګډون درلود.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې وویل: چې یاده غونډه له استادانو سره د ښو درسي میتودونو عملي کولو په پار نیول شوې ده.
زیاته یې کړه: محترمو استادانو د محصلینو روزل او تربیه ستاسو په لاس کې ده او د ښې روزنې راتلونکې روښانه وي، له خپلو محصلینو سره ښه سلوک او اخلاق کوئ او د پوهنتون اصولو او قوانینو ته په کتو خپلې تدریسي چارې د نویو درسي میتیوتونو مطابق پر مخ یوسئ.
همدارنګه ښاغلي "هاشمي" د یادې پوهنځي استادانو ته د "په کارونو کې ریښتینوالي او د محصلینو فکري او اصلاحي روزنې" په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او وړاندیزونو آورېدولو وروسته یې د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
