کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اسلامي علومو پوهنځي د ثقافت څانګې نویو ګمارل شویو استادانو سره غونډه ترسره کړه!
سې شنبې ورځ د ١٣/٦/١٤٠٣ هـ.ش چې له ٣٠/٢/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس د اسلامي علومو پوهنځی د ثقافت څانګې نویو ګمارل شویو استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، اسلامي علومو پوهنځي معاون او ثقافت څانګې استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره د ښې پېژندنې او ښو درسي میتیودونو عملي کولو او په سمه توګه د مسؤولیتونو مخته وړلو په پار نیول شوې.
زیاته یې کړه: محترمو استادانو تاسو د نظام یو مهمه برخه یاست او د ثقافت مضمون محصلینو لپاره خورا اړین او مهم مضمون ده، د محصلینو روزل او تربیه ستاسو په لاس کې ده او د ښې روزنې راتلوونکۍ روښانه وي، خپلو مسؤولیتونو ته متوجه شئ او د پوهنتون اصولو او قوانینو ته په کتو خپلې تدریسي چارې پر مخ یوسئ.
ښاغلي “هاشمي” د اسلامي ثقافت نویو ګمارل شویو استادانو ته د نوي تدریسي میتیودونو مخته وړلو، په کارونو کې صداقت، محصلینو سره ښه سلوک او رفتار او د محصلینو فکري او اصلاحي روزنې په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او پشنهادونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
