کابل ښوونې او روزنې پوهنتون رئیس د پلټنې عالي ادارې راغلي پلاوي سره غونډه شوه !
سې شنبې ورځ د ١٨/٢/١٤٠٣ ه.ش چې ٢٨/١٠/۱۴۴۵ ه.ق نېټې سره سمون لري د کابل ښوونې او روزنې پوهنتون رئیس د پلټنې عالي ادارې راغلي پلاوي سره غونډه ترسره کړه.
غونډه د قرانکریم څو مبارکو آیتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سیدبشیرآغا "هاشمي" د غونډې ګډوونکونکو ته د ښه راغلاست ترڅنګ، راغلو پلاوو ته د پوهنتون اداراتو اړوند هر اړخیز معلومات ورکړل، زیاته یې کړه: خوشحاله یو چې پوهنتون ته مو تشریف راوړ او د ټولو اداراتو کارونه او فعالیتونه به له نږدې وڅېړئ چې په دې برخه کې د پوهنتون رهبري تاسو سره پوره همکار دی.
وروسته، د پلټنې عالي ادارې مسؤولینو پوهنتون ته د راتګ موخه او هدف څرګند کړ، زیاته یې کړه: زمونږ مسؤولین به تر یو میاشت پورې پوهنتون کې پاتې شي او د ټولو اداراتو کارونه به له نږدې وڅېړي.
غونډه د دعایې ویلو سره پای ته ورسېده.
