د کابل ښوونې او روزنې پوهنتون کمپیوټرساینس پوهنځي لخوا محصلینو ته د (Python) زده کړې ښوونیز پروګرام پای ته ورسېد!
دوشنبې ورځ د 27/9/1402 هـ.ش چې له 4/6/1445 هـ.ق نېټې سره سمون لري د پوهنتون د علمي چارو مرستیال، پوهنځيو رئیسانو، د کمپیوټرساینس پوهنځي اړوند دیپارټمنټونو آمرینو، استادانو او محصلینو په ګډون کې د کمپیوټر ساینس پوهنځي د استراتیژیکو پلانونو کمېټې لخوا محصلینو ته د (Python) زده کړې ښوونیز پروګرام پای ته ورسېد
غونډه د قرآنکریم د څو مبارکو آیاتونو په تلاوت سره پیل شوه.
په پیل کې، د پوهنتون د علمي چارو مرستیال ښاغلي پوهاند دوکتور جمشېد خان "رشیدي" په خپلو خبرو کې محصلینو ته د مبارکۍ ترڅنګ، د کمپیوټر ساینس له پوهنځي څخه مننه وکړه او زیاته یې کړه چې، یادې برنامې د محصلینو لپاره ډېرې ګټورې دي او محصلین باید له وخت څخه په ګټه اخیستنې سره له یادو ښوونیزو پروګرامونو څخه پوره ګټه واخلي.
وروسته، د کمپیوتر ساینس پوهنځي رئیس ښاغلي پوهنوال قربانعلي"فروغ" محصلینو ته د مبارکۍ ترڅنګ،د یادې برنامې اړوند معلومات ورکرل زیاته یې کړه: د دې برنامې اصلي موخه، د کمپیوټر پروګرام لیکلو پایتون(Python) برنامه کې د کمپیوټر ساینس د محصلینو مهارتونو ته وده ورکول او پیاوړي کول وو، نوموړي زیاته کړه چې راتلونکي کې به یادې برنامې به نورې هم مخته یوسي.
غونډه د تصدیق پاڼو په ورکړې او دعایې ویلو سره پای ته ورسېده.
