روند تطبیق واکسین کرونا در پوهنتون تعلیم و تربیه شهید استاد ربانی آغاز شد

روند تطبیق واکسین نوع جانسون امریکایی ویروس کرونا روز یکشنبه تاریخ ۳ اسد۱۴۰۰، برای محصلان، استادان و کارمندان بخش اداری پوهنتون تعلیم و تربیه شهید استاد ربانی از سوی تیم صحی وزارت محترم صحت عامه با حضور داشت هیأت رهبری پوهنتون، رسماً آغاز گردید.

محترم پوهنوال لیلما شریفی یما رئیس پوهنتون تعلیم و تربیه شهید استاد ربانی جریان تطبیق واکسین برای محصلان، استادان و کارمندان اداری پوهنتون تعلیم و تربیه شهید استاد ربانی از تیم صحی وزارت صحت عامه اظهارامتنان نمودند. رئیس پوهنتون درجریان صحبت های شان به سرعت بخشیدن روند تطبیق واکسین تأکید نمودند و از محصلان، استادان و کارمندان پوهنتون خواستند که برای مصؤنیت جان و خانواده های محترم شان خود را واکسین کنند تا از این مرض مهلک در امان باشند.

سپس تطبیق واکسین کرونا در پوهنتون تعلیم و تربیه شهید استاد ربانی در چهار محل جداگانه برای محصلان، استادان، و کارمندان اداری پوهنتون آغاز شد. قابل ذکر است که جریان تطبیق واکسین برای یک هفته ادامه دارد. آرزومندیم محصلانی که هنوز تطبیق نکرده اند عجله نمایند.