کابل ښوونې او روزنې پوهنتون د معلوماتي تکنالوژۍ څانګې لخوا د کمپیوټر ساینس، تربیتي او مسلکي علومو او بدنې روزنې او ورزشي علومو پوهنځیو رئیسانو، دیپارټمنټونو آمرینو، استادانو او تدریسي مدیرانو ته د برېښنایې زده کړو HELMS ورکشاپ دایر شو!
یکشنبې ورځ ١١/٦/۱۴۴۵ هــ ق چې له ٣/١٠/١٤٠٢ه.ش نېټې سره سمون لري د کابل ښوونې او روزنې پوهنتون د معلوماتي تکنالوژۍ څانګې لخوا کمپیوټر ساینس، تربیتي او مسلکي علومو او بدنې روزنې او ورزشي علومو پوهنځیو رئیسانو، دیپارټمنټونو آمرینو، استادانو او تدریسي مدیرانو ته د پوهنتون د معلوماتي تکنالوژۍ څانګې په ICT دفتر کې د (برېښنایي زده کړو پېژندنې، برېښانیي زده کړو اهدافو، برېښنایي زده کړو ضرورتونو او برېښنایي زده کړو میتودونو) HELMS اړوند، ورکشاپ د کابل ښوونې او روزنې پوهنتون رئیس، علمي چارو او مالي او اداري چارو معاونینو، پوهنځیو رئیسانو، دیپارټمنټونو آمرینو، معلوماتي تنکالوژۍ آمر، دعوت او ارشاد آمر، استادانو او تدریسي مدیرانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د غونډې ګډوونکونکو ته د ښه راغلاست ترڅنګ، د یاد ورکشاپ دایرېدو اړوند خبرې وکړې، زیاته یې کړه: د برېښنایې زده کړو ضرورتونو او ارزښتونو په پار مو یاد ورکشاپ لړۍ پیل کړې چې په برېښنایي برخو د پوهنتون د ټولو استادانو ستونزې حل شي او محصلینو سره په دې برخه کې لازمه همکاري وشي.
وروسته له مقدماتي خبرو، د ښاغلي پوهنیار سلیمان "اسحاقزي" لخوا د برېښنايي زده کړو ورکشاپ رسماً پیل شو.
