د سولې پنځه ورځنې ټرېننګ پای ته ورسېد
د۱۳۹۹ کال د پنجشنبې په ورځ د تلې په ۱۷ مه، د سولې پنځه ورځنې ورکشاپ چې د پوهنتون د سولې مرکز له لوري په لاره اچول شوې ؤ پای ته ورسېد، د ورکشاپ په وروستۍ ورځ د بريلیکونو د ويشنې پر مهال د پوهنتون رییس آغلې پوهنوال ليلما شريفي يما هم ګډون کړی ؤ چې د سولې مرکز د غوره همغږۍ د ستاینې ترڅنګ يې د سولې انستیتوت د ملاتړ څخه مننه وکړه، همدارنګه ښاغلي ډاکټر ذبيح الله اسدي د سولې د مرکز د راتلونکي پلانونو په اړه وضاحت ورکړ او د علمي بنسټونو له لارې يې د سولې راوستو لپاره په پوهنتون کې د سولې مرکز جوړيدل نېک ګام وباله، ورپسې د پوهنتون دوه تنو استادانو چې د ورکشاپ ګډونوال ؤ هر يو استاد پوهندوی احمدفوادبيان او استاد ملالۍ انوري خبری وکړی او یاد ورکشاپ يې په پوهنتون کې په علمي توګه د سولې د راوستلو لپاره اړين ګام وباله او د سولې مرکز څخه یې د پروګرامونو د لا پراخولو غوښتنه وکړه، ورپسې د اسلامي تعليماتو پوهنځي رییس او د سولې مرکز همغږي کونکې ښاغلي پوهنيار سيد هاشم امين، د پوهنتون د پخوانۍ او اوسنۍ مشرتابه څخه د سولې د مرکز د ايجادولو او ملاتړ څخه مننه وکړه او د سولې د مرکز له لارې یې د لا زياتو پروګرامونو د پلي کولو ژمنه وکړه، یاد پروګرام د سندونو په ویشلو سره پای ته ورسیده.
