کابل ښوونې او روزنې پوهنتون علمي شورا غونډه ترسره شوه!
چهارشنبې ورځ د ٣١/٥/١٤٠٣ ه.ش چې له ١٧/٢/١٤٤٦ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون معاونینو، پوهنځیو رئیسانو او علمي شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون علمي چارو مرستیال ښاغلي پوهاند دوکتور جمشېدخان "رشیدي" په خپلو خبرو کې علمي شورا غړو ته د ښه راغلاست ترڅنګ یې وویل: راتلوونکې شنبې ورځ د خزاني سمسټر درسونه پلیږي، د پوهنځیو له مسؤولینو او استادانو هیله لرو چې حاضرۍ او تقسیم اوقاتونه تنظیم او جور کړي، همدارنګه یې د ماسټرۍ نویو برنامو د نصاب جوړولو اړوند هراړخیزې خبرې وکړې.
وروسته د پوهنتون علمي شورا غړو د لاندې موضوګانو:
د نوښتونو طرحې اړوند بحث، د نوښتونو کمېټې د غړو تأییدي، د نه ګوني پوهنځیو د ١٤٠٣ کال اولې ربعې د ګزارشونو تأییدي او د استادانو تقرر، ترفېع او انفکاک دوسیو څېړلو اړوند بحث او خبرې وشوې، چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
