د کابل ښوونې او روزنې پوهنتون کې د کابل ولایت څوارلسم پاسانو(اختصاصي) برنامې کانکور آزموینه واخېستل شوه !
جمعه ورځ د ٤/٤/١٤٤٥ هـ ق چې له ٢٨/٧/١٤٠٢ هــ ش نېټې سره سمون لري، د کابل ښوونې او روزنې پوهنتون کې د کابل ولایت څوارلسم پاسانو(اختصاصي) برنامې کانکور آزموینې یوه ورځینۍ لړۍ د کابل ښوونې او روزنې پوهنتون کې په پوره روڼتیا سره او ډاډمنه فضاء کې پای ته ورسېده.
د کابل ښوونې او روزنې پوهنتون رهبرۍ او د آزموینو ملي ادارې څخه راغلي پلاوي د امتحان له صحنې څخه له نېږدې لیدنه وکړه او د آزموینو ټولو ګډونوالو ته یې د دې پروسې د روڼتیا، امانتدارۍ، نظم او ډیسپلین په اړه ډاډ ورکړ.
د پوهنتون رهبرۍ ټولو استادانو ته د آزموینې اړوند اړینې سپارښتنې وکړې او د آزموینو ملي ادارې پلاوي ته یې د آزموينې د پوره روڼتیا او امانت دارۍ ډاډ ورکړ.
