کابل ښوونې او روزنې پوهنتون له اداراک پوهنتون سره د همکارۍ هوکړه وکړه!
دوشنبه- ۳،۳،۱۴۴۸ ه.ق
د اکاډمیکو او علمي مرکزونو د پیاوړتیا په موخه د کابل ښوونې او روزنې پوهنتون او ادارک پوهنتون ترمنځ په علمي، څېړنیزو او اداري ډګرونو کې د همکارۍ، د ګډو څېړنیزو فعالیتونو ترسره کولو، سمینارونو، ورکشاپونو او کنفرانسونو دایرولو، محصلینو ته د زدکړیزو برنامو جوړولو، منابعو تبادلې او د علمي کادرونو او اداري کارمندانو ظرفیت لوړولو په برخو کې د ګډ کار هوکړه لیک لاسلیک شو.
یاد هوکړه لیک په کابل ښوونې او روزنې پوهنتون کې د یاد پوهنتون د رئیس مولوي عبدالحکیم حمدي او د ادراک پوهنتون مسؤلینو په حضور کې لاسلیک شو.
د دې هوکړه د لاسلیک پر مهال د کابل ښوونې او روزنې پوهنتون مسؤلینو د هوکړه لیک اړوند مادو د عملي تطبیق په برخه ټینګار وکړ او څرګنده یې کړه، چې داسې هوکړې د علمي مرکزونو د تقویت او له یو بله د الهام اخیستنې باعث کېږي.
اطلاعاتو، نشراتو او عامه اړیکو امریت
