کابل ښوونې او روزنې پوهنتون اداري کارمندانو ته یو ورځنی ښوونیز ورکشاپ دایر شو!
چهارشبنه- ۸،۱،۱۴۴۸ه.ق
د کابل ښوونې او روزنې پوهنتون، مالي او اداري چارو معاونیت د کارکونکو چارو امریت له لوري د لوړو زده کړو وزارت سره په همغږۍ د پوهنتون اداري کارمندانو ته " د صادرې او واردې برېښنالیکي زده کړه" تر عنوان لاندې یو ورځنی ښوونیز سمینار دایر شو، چې د مسؤلینو له لوري د موضوع اړوند بحث او خبرې وشوې.
د ورکشاپ پیل کې د مالي او اداري چارو مرستیال مولوي خال افغان د دې ورکشاپ پر ارزښت خبرې وکړې، زیاته یې کړه دغه اقدام د اداري چارو تنظیم او اسانتیاوو لپاره مؤثر ګام دی، هیله مند یو چې په بشپړه توګه دغه سیسټم په پوهنتون کې تطبیق شي.
وروسته د لوړو زده کړو وزارت مسؤلینو د صادرې او واردې الکترونیکي جوړ شوي سیسټم اړوند ګډونوالو ته معلومات ورکړل.
د دې سیسټم په تطبیق سره به د صادرې او واردې برخه کې ټولې ستونزې حل او د پاو وړ اسانتیاوې رامنځته شي.
اطلاعاتو، نشراتو او عامه اړیکو امریت
