د لوړو زده کړو سرپرست وزیر د اروپايي ټولنې له استازي ارنوټ پاویلز سره وکتل.
د لوړو زده کړو سرپرست وزیر وویل چې د ا.ا.ا په هېواد کې د ذکورو او اناثو لوړو زده کړو ته نه یوازې ژمن دی، بلکې د بډاینې او کیفیت لوړولو لپاره یې هڅې کوي. هغه زیاته کړه چې لوړو زده کړو وزارت په داسې پالیسیو کار کوي چې په دولتي او خصوصي پوهنتونونو او موسسو کې د هېواد ځوان قشر لپاره د زده کړو آرام او مصؤن چاپېریال برابر کړي. دغه راز له اروپایي ټولنې یې وغوښتل چې په تحصیلي برخه کې له افغانستان سره مرسته وکړي.
همدارنګه د اروپایي ټولنې استازي ارنوټ پاویلز د نجونو په زده کړو خوښي وښوده او د لوړو زده کړو په برخه کې یې د مرستو ژمنه وکړه.
