د کابل ښوونې او روزنې پوهنتون د محصلانو چارو مرستیال پېژند غونډه!
شنبې ورځ د 15/7/1445 ه.ق چې له 7/11/1402 ه.ش نېټې سره سمون لري د کابل ښوونې او روزنې پوهنتون محصلانو چارو معاونیت ته د ښاغلي قاضي عبدالعزیز "عزیزي" د پېژندنې په مناسبت، چې د لوړو زده کړو وزارت د دفتر رئیس، بشري سرچینو رئیس او راغلي پلاوي، کابل ښوونې او روزنې پوهنتون مالي او اداري چارو او علمي چارو مرستیالانو، اسلامي علومو پوهنځی رئیس او کارمندانو ګډون درلود غونډه ترسره شوه.
غونډه د قرآنکریم د څو مبارکو آیتونو په تلاوت سره پیل شوه.
لمړی، د لوړو زده کړو وزارت د بشري سرچینو رئیس ښاغلي مولوي سلطان محمد محسن په خپلو خبرو کې وویل: ښاغلي قاضي عبدالعزیز "عزیزي" د لوړو زده کړو وزارت د وړاندیز او د ریاست الوزراء محترم مقام د حکم په اساس د مرستیال په توګه ټاکل شوی، زیاته یې کړه: ښاغلی "عزیزي" د دیني او علمي استعداد خاوند دی د الله تعالی له درباره ورته په چارو کې کامیابي غواړو او هیله لرو چې د پوهنتون د پرمختګ په برخه کې هېڅ ډول کوښښونه ونه سپموي.
وروسته، د پوهنتون مالي او اداري چارو مرستیال ښاغلي مولوي حضرت ولي “زبیر” د مبارکۍ ترڅنګ له نوي ټاکل شوي مرستیال څخه وغوښتل چې د خپلو تجربو او فکرونو په مرسته د پوهنتون د پرمختګ په برخه کې له مونږ سره همکار اوسي.
په پای کې ښاغلي قاضي عبدالعزیز "عزیزي" د ا.ا.ا او لوړو زدهکړو وزارت مقام له باور څخه په مننې سره وویل: د ا.ا.ا او لوړو زده کړو وزارت مقام ته ډاډ ورکوم چې هېڅ ډول هڅې به ونه سپموم او کوم مسؤولیت چې راته سپارل شوی په ښه توګه به یې ادا کړم.
په آخر کې غونډه د خیر په دعا سره پای ته ورسېده.
