د ملي یووالي او کلتور پیاوړتیا کنفرانس!
اسلامي کلتور او یووالي د اسلامي حکومت د پياوړتيا لپاره ضروري لامل دی، د دې هدف لپاره د ملي یووالي او کلتور پیاوړتیا تر عنوان لاندې کنفرانس د سه شنبې په ورځ د ۲/۲/۱۴۴۴ نېټه د لوړو زده کړو وزارت د راغلي هيئت، د کابل ښوونې او روزنې پوهنتون رهبري غړو استادانو او محصلینو په حضور کې د دغه پوهنتون په تالار کې تر سره شو.
غونډه د قرآن کریم د څو مبارکو آیاتونو په تلاوت سره پیل، ورپسې د پوهنتون رئيسې ښاغلې پوهنوال ليلما "يما شريفي" مېلمنو او حاضرينو ته د ښه راغلاست په ترڅ کې د موضوع په اړه خبرې وکړې، د یادې موضوع په اړه د لوړو زده کړو وزارت د دعوت او ارشاد رئیس محترم شیخ شاکرالله "وحدت" او د حقوقي کلینیکونو عمومي مدیر عبدالخلیل "شاهین" هم ویناوې وکړې،ورپسې د تربیتي او مسلکي زده کړو پوهنځي مرستیال پوهنمل ډاکټر داود سخنور د ارواپوهنې پوهنځي استاد پوهنمل شرف الدین عظیمي او د ټولنیزو علومو پوهنځي استاد پوهنیار محمد حامد قادري د یووالي د اهمیت په اړه ویناوې وکړې،یاد کنفرانس په ټولنه کې د یوالي پیاوړتیا او پرمختګ په موخه وړاندې شو، یاد کنفرانس د محصلانو چارو آمر محترم مفتي حضرت محمد په دعا سره پای ته ورسېد.
د کابل ښوونې او روزنې پوهنتون د عامه اړیکو او پوهاوي آمریت.
