کابل ښوونې او روزنې پوهنتون د فزیک څانګې محصلینو لپاره " د فزیک رشتې تحصیلي او مسکلي لیدلوری" اړوند یو ورځنی آنلاین سیمینار وړاندې شو!
چهارشنبې ورځ د ١٠/٣/١٤٤٧ ه.ق. چې له ١٢/٦/١٤٠٤ ه.ش. نېټې سره سمون لري د کابل ښوونې او روزنې پوهنتون د فزیک څانګې محصلینو ته "د فزیک رشتې تحصیلي او مسکلي لیدلوری" اړوند یو ورځنی آنلاین سیمینار وړاندې شو!
په یاد علمي سیمینار کې د محصلانو چارو مرستیال، د فزیک څانګې آمر، محصلینو د همغږۍ او خدمتونو آمر، استادانو او د یادې څانګې ګڼ شمېر محصلینو ګډون درلود.
د سیمینار په پیل کې، د کابل د ښوونې او روزنې پوهنتون د محصلانو چارو مرستیال، ښاغلي مولوي رحمانګل "وثیق" مقدماتي خبرې وکړې. نوموړي د دې ډول پروګرامونو د ارزښت یادونه یې وکړه، د استادانو او محصلینو د علمي ودې لپاره یې د ورته سیمینارونو دایرولو پر دوام ټینګار وکړ.
د کابل د ښوونې او روزنې پوهنتون د فزیک څانګې محصلینو لپاره د یوې علمي برنامې په لړ کې، په اسلواکیا هېواد د کامینوس پوهنتون د دوکتورا برنامې افغان محصل، ښاغلي محمدعارف "سلطاني" "د فزیک رشتې تحصیلي او مسلکي لیدلوری" تر عنوان لاندې یو مهم آنلاین علمي سیمینار وړاندې کړ. په دې سیمینار کې ښاغلي "سلطاني" د فزیک رشتې علمي ارزښت، لیدلوري، څېړنو کې د فزیک رشتې ارزښت او د محصلینو لپاره د څېړنیزو تجربو د پراختیا پر فرصتونو هر اړخیز بحث وکړ.
یاد سیمینار محصلینو لپاره یو ارزښتناک فرصت و، څو د فزیک رشتې د اهمیت اړوند پوهه ترلاسه کړي او د راتلونکو فعالیتونو لپاره پیاوړي شي. ګډونوالو د سیمینار په پای کې خپلې پوښتنې او نظریات له ښاغلي استاد "سلطاني" سره شریک کړل، چې نوموړي ورته هر اړخیز ځوابونه وړاندې کړل.
