کابل ښوونې او روزنې پوهنتون د فقهې څانګې د درېیم سمسټر ماسټرۍ برنامې محصلینو د افغانستان اسلامي بانک ته علمي سفر وکړ!
شنبې ورځ د ٨/١٠/١٤٠٣ هـ.ش چې له ٢٧/٦/١٤٤٦ هـ.ق نېټې سره سمون لري د کابل ښوونې او روزنې پوهنتون د ماسټرۍ برنامې د فقهې څانګې د درېیم سمسټر محصلینو په بانکدارۍ مضمون کې د تحقیق کولو په پار د افغانستان اسلامي بانک ته علمي سفر وکړ.
په یاد سیر علمي کې د کابل ښوونې او روزنې پوهنتون استادانو او د فقهې څانګې د درېیم سمسټر محصلینو ګډون درلود.
د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" محصلینو ته د ښه سفر غوښتلو ترڅنګ په خپلو خبرو کې ټولو محصلینو ته د اسلامي بانکدارۍ له اصولو څخه د پوهېدلو او د هغو ارزښت اړوند معلومات ورکړل او محصلینو ته یې په راتلوونکې کې د نورو سیر علمي برنامو ترتیب کولو وعده ورکړه، زیاته یې کړه: د یاد سیر علمي هدف او موخه د اسلامي بانکدارۍ له روشونو سره د محصلینو بلدتیا ده او کوښښ وکړئ چې له دې سیرعلمي څخه د خپلو زده کړو او څېړنو برخې کې پوره ګټه واخلئ.
یاد سیر علمي چې د محصلانو خدماتو چارو آمریت لخوا د فوق لېسانس برنامو آمریت په همغږۍ په لار اچول شوی وو، محصلینو د اسلامي بانکدارۍ له روشونو څخه لیدنه وکړه او د اسلامي بانکدارۍ له اصولو او مقرراتو څخه یې هراړخیز معلومات ترلاسه کړل.
