کابل ښوونې او روزنې پوهنتون رئیس او محصلانو چارو مرستیال د (۱۴۰۳) کال وروستني سمسټر ازموینو له جریان څخه نظارت وکړ!
شنبې ورځ د ٥/٦/١٤٤٦ ه.ق چې له ١٧/٩/١٤٠٣ ه.ش نېټې سره سمون لري د کابل ښوونې او روزنې پوهنتون رئیس او محصلانو چارو مرستیال د ازموینو ښه ترسره کېدلو په پار د مختلفو پوهنځیو د ازموینو له جریان څخه نظارت وکړ.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او محصلانو چارو مرستیال ښاغلي مولوي رحمان ګل "وثیق" د بېلابېلو پوهنځیو د ازموینو له صحنې څخه له نیږدې لیدنه وکړه او د پوهنتون محصلینو ته یې د شفافیت، امانتدارۍ، نظم او ډسپلین په اړه ډاډ ورکړ.
همدارنګه د پوهنتون رئیس ښاغلي "هاشمي" او محصلانو چارو مرستیال ښاغلي "وثیق" د نظارت په جریان کې ټولو استادانو ته د ازموینو اخیستلو اړوند د پوره شفافیت د شتونوالي اړوند اړینې سپارښتنې وکړې چې استادانو لخوا د پوره روڼتیا او شفافیت اطمینان ورکړل شو.
د یادلو وړ ده چې د کابل ښوونې او روزنې پوهنتون د (١٤٠٣) کال وروستني سمسټر ازموینې د پنجشنبې ورځ په پوره شفافیت او ډاډ منه فضاء کې پیل شوي دي
