کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د طبیعي علومو پوهنځي استادانو سره غونډه ترسره کړه!
سې شنبې ورځ د ٢٥/۲/۱۴۰۳ هـ.ش چې له ٥/١١/۱۴۴۵ هـ.ق نېټې سره سمون لري د کابل ښوونې او روزنې پوهنتون رئیس د طبیعي علومو پوهنځي استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، علمي چارو مرستیال، طبیعي علومو پوهنځي رئیس او استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه په تدریسي چارو کې د استادانو ستونزو ته د رسیدګۍ او د تدریس ښه والي او کیفیت لوړاوي برخې کې د استادانو نظرونو او وړاندیزونو اورېدلو په پار نیول شوې.
ښاغلي “هاشمي” استادانو ته په تدریسي چارو کې د شته ستونزو حل، کیفیت لوړاوي او د پوهنتون اصولو او مقرراتو مطابق د تدریسي چارو مخته وړلو په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او وړاندیزونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
