کابل ښوونې او روزنې پوهنتون محصلینو ته د "تحصیلي نظام په ښه والي کې د محصل دندې" سرلیک لاندې زده کړیز سیمینار وړاندې شو!
یکشنبې ورځ د 3/11/1445 ه.ق چې له 23/2/1403 ه.ش نېټې سره سمون لري د کابل ښوونې او روزنې پوهنتون د محصلانو خدماتو چارو آمریت، محصلینو ته " تحصیلي نظام په ښه والي کې د محصل دندې" ترسرلیک لاندې زده کړیز سیمینار وړاندې کړ.
غونډه د قرآنکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، محصلانو چارو او مالي او اداري چارو معاونینو، استادانو، اداري آمرینو او محصلینو ګډون درلود.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د کابل ښوونې او روزنې پوهنتون له مسؤولینو څخه چې یاد سیمینار ته یې زمینه برابره کړې، منندویې وکړه او محصلینو ته یې د زده کړو، مسؤولیتونو، نېکو اخلاقو، پرهېزګارۍ او ښه سلوک او رفتار کولو اړوند اړینې سپارېښتنې وکړې.
همدارنګه، د محصلانو چارو معاون ښاغلي قاضي عبدالعزیز "عزیزی" د یو ښه محصل خصوصیاتو او راتلوونکي لپاره هدف او پلان ټاکلو اړوند اړین معلومات له محصلینو سره شریک کړل.
وروسته، د ښاغلي مدیر صاحب عبدالرشید"سامع" لخوا یاد سیمینار محصلینو ته وړاندې شو.
