کابل ښوونې او روزنې پوهنتون علمي شورا غونډه کې د امیر/المؤمنین حفظه الله د توشېح شوي فرمان ارائه وشوه!
شنبې ورځ د ٣٠/١/١٤٠٤ ه.ش چې له ٢١/١٠/١٤٤٦ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې علمي شورا غړو ته د ښه راغلاست ترڅنګ په هېواد کې د ناسمو رواجونو څخه د مخنیوي په پار د امیر/المؤمنین حفظه الله د توشېح شوي فرمان بشپړه ارائه یې وکړه، زیاته یې کړه: یاد فرمان کې د هېواد په کچه د خوښیو، مړینې او د حج او عمرې مراسمو اړوند د ناسمو رواجونو اړوند لازم هدایات ورکړل شوي دي چې له یادو رواجونو څخه مخنیوی کول د ټولنې په ټولو وګړو لازم او ضروري دي، کوښښ وکړئ چې د یاد فرمان ټولې برخې استادانو او محصلینو ته ورسوئ، ترڅو په ټولنه کې د ناسمو رواجونو مخه ونیول شي. همدارنګه یې د توشېح شوي فرمان د ارائې ترڅنګ د یاد فرمان دنیوي او اخروي ګټو اړوند هراړخیزې خبرې وکړې.
د غونډې په جریان کې د پوهنتون علمي شورا غړو د لاندې موضوګانو اړوند:
د امیرالمونین حفظه الله د توشېح شوي فرمان تشریح او تطبیق، د ماسټرۍ برنامو د کریډت تکمیلولو، د استادانو په مقالو او علمي آثارو کې له ادبی سرقت او هوش مصنوعي څخه د مخنیوي کولو او د استادانو تقرر، ترفېع او انفکاک دوسیو څېړلو اړوند بحث او خبرې وشوې چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
