کابل ښوونې او روزنې پوهنتون علمي شورا غونډه ترسره شوه!
دوشنبې ورځ د ۳۱/۲/۱۴۰۳ ه.ش چې له ۱۲/۱۱/۱۴۴۵ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او علمي شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې علمي شورا غړو ته د ښه راغلاست ترڅنګ، ګډوونکونکو ته د نه ګوني پوهنځیو د شپني برنامو ایجادولو کې د زیار او کوښښ کولو اړوند اړیني سپارېښتنې وکړې، زیاته یې کړه: د کابل ښوونې او روزنې پوهنتون په روان کال کې اووه(٧) د ماسټرۍ برنامې او یوه(١) د ډوکتورا برنامه نوې ایجاد کړي او د علمي شورا غړو ته یې د یاد ویاړ مبارکي ورکړه.
همدارنګه د پوهنتون علمي شورا غړو د لاندې موضوګانو:
د طبیعي علومو پوهنځي د تحصیلي نصاب اړوند بحث، په نه ګوني پوهنځیو کې د شپنې برنامو اېجادولو، د زده کړیزې پلانګزاری د ماسټرۍ برنامې تأییدي، په منځنی دوره کې د افغانستان تاریخ د ماسټرۍ برنامې د پالیسی او نصاب سند تأییدي، بشري جغرافیا د ماسټرۍ برنامې د پالیسی او نصاب سند تأییدي او د استادانو تقرر، ترفېع او انفکاک دوسیو څېړلو اړوند بحث او خبرې وشوې، چې د علمي شورا غړو لخوا تأیید شوې.
