کابل ښوونې او روزنې پوهنتون رئیس په شتون کې د ماسټرۍ بورد غونډه ترسره شوه.
دوشنبې ورځ د ٢٣/٧/١٤٠٣ ه.ش چې له ١١/٤/١٤٤٦ ه.ق نېټې سره سمون لري د کابل ښوونې او روزنې پوهنتون د رئیس په شتون کې د ماسټرۍ بورد غونډه ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د بورد غړو ته د ښه راغلاست ترڅنګ د نویو ماسټرۍ برنامو او دوکتورا برنامو د نصاب جوړولو کې د ټولو ستونزو حل اړوند هراړخیزي خبرې وکړې، زیاته یې کړه: کوښښ باید وکړو چې د نویو برنامو لپاره د نظام اصولو او مقرراتو مطابق نصاب جور او پلي کړو او پوهنتون کې د یادو برنامو د پرمختګ لپاره باید هراړخیز کار او خدمت وشي.
وروسته د علمي چارو مرستیال ښاغلي پوهاند دوکتور جمشېدخان"رشیدي" د ماسټرۍ برنامو او دوکتورا برنامو د پرمختګ او ستونزو حل اړوند له ګډوونکونکو سره هراړخیز معلومات شریک کړل.
د غونډې په جریان کې د ماسټرۍ بورد غړو د لاندې موضوګانو اړوند:
د ماسټرۍ برنامو دویم ظرفیت نوملیکنې، کمبودو صنفونو او د برق ستونزو حل، د فقهې، ښوونیز مدیریت او ریاضي د دوکتورا برنامو او د عربي، جغرافیې، تاریخ، معلوماتي تکنالوژۍ او ښوونیزې پلان ګذاری د ماسټرۍ برنامو د پرمختګ او د نصاب ستونزو حل اړوند بحث او خبرې وکړې .
غونډه د دعایې په ویلو سره پای ته ورسېده.
