کابل ښوونې او روزنې پوهنتون رئیس، په ایران هېواد کې د ا.ا.ا ډیپلومات سره په خپل کاري دفتر کې لیدنه وکړه!
سې شنبې ورځ د ۲۸/۱۰/۱۴۴۵ ه.ق. چې له ۱۸/۲/۱۴۰۳ه.ش نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث سید بشیرآغا "هاشمي"، په ایران هېواد کې د ا.ا.ا ډیپلومات سره په خپل کاري دفتر کې لیدنه وکړه.
په پیل کې، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي"، ښاغلي مفتي محمد عالم ته د ښه راغلاست ترڅنګ، د پوهنتون پوهنځیو، ماسټری برنامو، مسلکي کادرونو او محصلینو اړوند هر هراړخیز معلومات ورکړل، همدارنګه یې له ښاغلي مفتی صاحب څخه په ایران هېواد کې د مسلکي کادرونو او محصلینو سره د هراړخیزي همکارۍ غوښتنه وکړه.
وروسته، ښاغلي مفتي محمدعالم په خپلو خبرو کې وویل، مونږ په ایران هېواد کې مسلکي کادرونو او محصلینو ته ډېرې آسانتیاوې برابرې کړي او کوښښ کوو بېرته هېواد ته راستانه شي.
د غونډې په جریان کې د دواړو خواوو لخوا د هغو استادانو اړوند چې له هېواد څخه بهر ژوند کوي، هېواد ته د بېرته راستنېدو په برخه کې بحث او خبرې وشوې.
غونډه د خیر دعا په ویلو سره پای ته ورسېده.
