کابل ښوونې او روزنې پوهنتون د کمپیوټر ساینس پوهنځي محصلینو جورې شوې پروژې د ستایلو لپاره ارزونې ته وړاندې شوې!
یکشنبې ورځ ٧/٩/۱۴۴۵ هــ ق چې له ٢٧/١٢/١٤٠٢ ه.ش نېټې سره سمون لري د کابل ښوونې او روزنې پوهنتون د کمپیوټر ساینس پوهنځي محصلینو جورې شوې پروژې د پوهنتون رئیس، علمي چارو مرستیال، کمپیوټر ساینس پوهنځي رئیس، استادانو او محصلینو په حضور کې د درې مخکښو پروژو انتخاب لپاره ارزونې ته وړاندې شوې.
غونډه د قرآنکریم د څو مبارکو آیتونو په تلاوت سره پیل شو.
یادې پروژې د (د اوبو مدیریت رباتیک پروژه، د میوو او سبزیجاتو د خرڅلاوي آنلاین سایټ، د کمپیوټر ساینس پوهنځي اصطلاح ګانو لپاره ډیکشینري، د شفاخانو لپاره آنلاین مدیریتي سیسټم او د تجارت آنلاین سیسټم ) په برخو کې د محصلینو لخوا پروژې ارزونې ته وړاندې شوې.
وروسته، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" خپلو خبرو کې محصلینو ته د کامیابۍ هیله وکړه، زیاته یې کړه: د پوهنتون رهبري له تاسو سره په هره برخه کې پوره همکاري کوي، خپلو هڅو ته دوام ورکړئ او خپل هېواد ته د خدمت کولو جوګه وګرزئ.
همدارنګه، د کمپیوټر ساینس پوهنځي رئیس ښاغلي پوهنوال قربان علی "فروغ" د محصلینو هڅې وستایلې او د الله ج له درباره یې ټولو محصلینو ته د کامیابۍ هیله وکړه.
