کابل ښوونې او روزنې پوهنتون د څېړنو او علمي مجلو معاونیت لخوا هغه استادان چې ١٤٠٣ کال کې یې بهترین علمي کنفرانسونه ارائه کړي وو، د یو غونډې په ترڅ کې وستایل شول!
سې شنبې ورځ ٢٢/٦/١٤٤٦ هــ ق چې له ٤/١٠/١٤٠٣ ه.ش نېټې سره سمون لري د کابل ښوونې او روزنې پوهنتون کابل ښوونې او روزنې پوهنتون د څېړنو او علمي مجلو معاونیت لخوا هغه استادان چې ١٤٠٣ کال کې یې بهترین علمي کنفرانسونه ارائه کړي وو، د یو غونډې په ترڅ کې د کابل ښوونې او روزنې پوهنتون رئیس، معاونینو، پوهنځیو رئیسانو او استادانو په ګډون وستایل شول.
غونډه د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا "هاشمي" د غونډې ګډوونکونکو ته د ښه راغلاست ترڅنګ، له ټولو استادانو څخه چې علمي کنفرانسونه ارائه کړي وو منندویي وکړه، زیاته یې کړه: قدرمنو استادانو! تاسو د هېواد مهمه برخه یاستئ، خپلو څېړنو ته ادامه وکړئ او کوم فرصتونه چې درکړل شوي له هغه څخه په سمه توګه ګټه پورته کړئ او د خپل مسلک مطابق د هېواد اولادونو ته خدمت وکړئ.
وروسته، د څېړنو او علمي مجلو مرستیال ښاغلي پوهنمل طاووس"محمدي" په بریالیتوب سره د استادانو کنفرانسونو پای ته رسېدلو اړوند هراړخیزې خبرې وکړې، زیاته یې کړه: کوم کنفرانسونه چې د کمېتې غړو لخوا تأیید شوي او ښې څېړنې یې ترسره کړي په بهترینه کنفرانسونو کې راغلي او یاد استادان به وستایل شي.
وروسته له مقدماتي خبرو، هغه استادان چې ١٤٠٣ کال یې بهترینه کنفرانسونه ارائه کړي وو، د ستاینلیکنو په ورکړې سره وستایل شول.
غونډه د خیر دعا په ویلو سره پای ته ورسېده.
