د کابل ښوونې او روزنې پوهنتون استادانو او کارمندانو ته درې ورځني اصلاحي-علمي سیمینار دویمه ورځ پای ته ورسېده!
یکشنبې ورځ د ٢٤/٨/١٤٤٦ ه.ق چې له ٥/١٢/١٤٠٣ ه.ش نېټې سره سمون لري د کابل ښوونې او روزنې پوهنتون استادانو او کارمندانو ته درې ورځني اصلاحي-علمي سیمینار دویمه ورځ پای ته ورسېده.
یاد درې ورځنۍ سیمینار چې د کابل ښوونې او روزنې پوهنتون د عبدالرحمن بن سمرة د غونډو په عمومي تالار کې پیل شوی دی د سیمینار دویمه ورځ د لوړو زده کړو وزارت د دعوت او ارشاد رئیس، کابل علماوو شورا معاون، کابل ښوونې او روزنې پوهنتون رئیس، معاونینو، استادانو او کارمندانو په ګډوون پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" د پیل وینا وکړه، راغلو مېلمنو او د پوهنتون استادانو او کارمندانو ته یې ته یې د ښه راغلاست ترڅنګ، د سیمینار ګډوونکونکو ته د دویمې ورځ موضوعاتو اړوند هراړخیز معلومات ورکړل.
ورسته، د کابل علماوو شورا معاون ښاغلي شیخ احمدظاهر"عاطف" صاحب په خپلو خبرو کې خوښي څرګنده کړه، چې له استادانو او کارمندانو سره سیمینار کې ګډوون کوي، همدارنګه یې په اسلامي نظام کې د امیر شتونوالي او هغه سره د بعیت کولو اړوند هراړخیزې خبرې وکړې، زیاته یې کړه: په اسلامي نظام کې د امیر شتون حتمي او ټول رعیت باید د اسلامي نظام له امیر سره بعیت وکړي، اسلامي نظام کې د قران کریم او احادیثو مطابق د ټولو حکمونو منل په هر مسلمان واجب دي او د امیر اطاعت کول لازمي دی، همدارنګه یې د امیر او رعیت حقوقو اړوند هراړخیزې خبرې وکړې.
همدارنګه، د لوړو زده کړو وزارت د دعوت او ارشاد رئیس ښاغلي شیخ شاکرالله"وحدت" په خپلو کې د نیت او عمل، زهد او تقوا، عباداتو، عباداتو ډولونو، توبې مراتبو او د اسلام په مبارک دین کې د آسانتیاوو اړوند ارزښتناکې خبرې وکړې.
سیمینار دویمه ورځ غونده د دعایې په ویلو سره پای ته ورسېده.
