د کابل ښوونې او روزنې پوهنتون کې د نیالګیو کېنولو پروګرام پیل شو
د ۱۴۰۰ کال د کب میاشتې په ۲۹مه نېټه د یکشنبې په ورځ د کابل د ښوونې او روزنې په پوهنتون کې د نیالګیو کېنولو پروګرام پیل شو. په دې پروګرام کې د کابل ښوونې او روزنې پوهنتون رئیس، د پوهنتون د علمي چارو مرستیال ښاغلي پوهاند جمشېد خان رشیدي، د پوهنتون د مالي او اداري چارو مرستیال ښاغلي انجنیر سرداروالي صالحي، د پوهنتون د محصلانو چارو مرستیال ښاغلي پوهنیار فضلالربي فضلي، استادانو او د اداري برخې ځینو کارکوونکو ګډون کړی و.
دغه پروګرام د پوهنتون د مشرتابه پلاوي او د چمتووالي او تدارکاتو د آمریت په هلو ځلو او د کرنې او اوبو لګولو وزارت د ۵۸۰ نيالګيو په مرسته او همکارۍ سره پيل شو، د پوهنتون د مشرتابه هر غړي يو يو نيالګی کېښود. د دې پروګرام موخه د چاپېریال ساتنه، د پوهنتون د انګړ ښکلا او زرغونول ښودل شوي دی.
