د کابل ښوونې او روزنې پوهنتون د طبیعي علومو پوهنځي نويو کامیاب شویو محصلینو ته د ښه راغلاست او د (پوهنځي پېژندنې) غونډه ترسره کړه!
نن چهار شنبې ورځ د ۲۲/۸/۱۴۴۴ ق نېټه د کابل ښوونې او روزنې پوهنتون د طبیعي علومو پوهنځي په تالار کې د ۱۴۰۲کال هغه محصلینو ته چې د طبیعي علومو پوهنځي بېلابېلو څانګو ته نوي بریالي شوي دي، د پوهنځي پېژندګلوۍ او مربوطه امکاناتو په پار غونډه ترسره شوه.
په غونډه کې د طبیعي علومو پوهنځي رئیس، د څانګو آمرینو او استادانو په ګډون، نويو کامیاب شویو محصلینو ته د ښه راغلاست تر څنک د پوهنځي د رئيس، آمرینو او استادانو معرفي وشوه، همدارنګه د پوهنځي اهدافو، درسي میتودونو، تعلیمي کال، سمسترونو شمېر، امتحانونو د کریدت سیستم لایحه، درسي ټایم او د محصلینو مسؤلیتونو په هکله ټولو نویو کامیاب شویو محصلینو سره معلومات شریک شول.
د پوهنځي مشرتابه ټولو محصلینو ته د الله(ج) له درباره د کامیابۍ هیله وکړه.
