د علمي څېړنو د مرکز کمېټې نوبتي ناسته وکړه
د پوهنتون د علمي څېړنو د انسجام مرکز د روان کال د غوايي میاشتې په ۱۳مه نېټه د دوشنبې په ورځ نوبتي ناسته وکړه چې د پوهنتون د علمي چارو مرستیال ښاغلي پوهاند جمشېد خان رشیدي، د علمي څېړنو د مرکز آمرې آغلې پوهنیار نرګس ستانکزۍ او د مرکز غړو ګډون پکې کړی و. په دې ناسته کې د لاندې موضوعاتو په اړه بحث او پرېکړې وشوې:
• د شهید استاد رباني د ښوونې او روزنې پوهنتون او نورو ولایتي پوهنتونو د استادانو ۲۹ علمي کنفرانسونه وڅېړل شول او د نظر څرګندولو لپاره د علمي څېړنو د مرکز غړو ته وسپارل شول.
• د شهید استاد رباني د ښوونې او روزنې، بلخ او پنجشېر پوهنتونونو د علمي کادر د درېیو غړو د اثارو کتلو او موضوع ټاکلو وړاندیزونه د نظر څرګندولو لپاره د پوهنتون د علمي څېړنو د مرکز غړو ته وسپارل شول.
• د مرکز غړو د څېړنې د ډول په اړه د ورکشاپونو د دوهم پړاو لپاره د روزونکو پر ټاکلو بحث وکړ او پرېکړه وشوه چې د څېړنې په دواړو یعنې کمي او کیفي برخو کې روزونکي وټاکل شي. د مرکز غړو تر لازمو مشورو وروسته د څېړنې دواړو (کمي او کیفي) برخو ته باتجربه او وړ استادان وټاکل. د کمي څېړنې په برخه کې ښاغلي ډاکتر فهیمي، ښاغلی ډاکتر مزمل اسلامي، ښاغلي ډاکتر امید افغان او ښاغلي پوهاند جمشېد خان رشیدي وټاکل شول؛ د کیفي څېړنې په برخه کې ښاغلي ډاکتر باقر رضايي،ښاغلي ډاکتر عبدالصمد مشتاق، ښاغلي ډاکتر توفیق ایوبي او ښاغلي ډاکتر اصلاحالدین وټاکل شول.
