د شهید استاد رباني ښوونې او روزنې پوهنتون د استادانو علمي کنفرانسونه دایر شو
د ۱۳۹۹کال د شنبې ورځ د لیندۍ په ۲۹مه، درېیم پړاو ربعوار علمي کنفرانسونه د شهید استاد رباني د ښوونې او روزنې پوهنتون د علمي غړو لپاره د علمي څیړنو د همغږۍ مرکز له خوا په لاره اچول شوی ؤ. په دې غونډه کې د شهید استاد رباني ښوونې او روزنې پوهنتون رییس آغلې پوهنوال لیلما شریفي یما، د پوهنتون علمي چارو مرستیال ښاغلي پوهاند جمشید خان رشیدي، د پوهنتون د علمي څیړنې د همغږۍ مرکز آمر آغلې پوهنیار نرګس ستانکزی ، د پوهنځییو رییسان، د څانګو مشران او د پوهنتون استادان په ګدون پیل شو.
کنفرانس د خدای تعالی د کلام د آیتونو په تلاوت سره پیل شو، ورپسې د پوهنتون رییس آغلې لیلما شریفي یما د څیړنې پراهمیت خبرې وکړې او د پوهنتون ټولو استادانو او اداري کارکونکو ته د اعتبار ورکولو د دریمې مرحلې د بریا سند ترلاسه کولو له امله یې مبارکې وویله او له استادانو یې وغوښتل چې د اعتبار لیک سند ساتلو او د پوهنتون د ودې لپاره هلې ځلې وکړئ. همدارنګه له ښوونکو څخه يې غوښتنه وکړه چې د آنلاین درسونو لپاره چمتوالي ولري او(د AfghanX او EdX) برنامه وکاروي ترڅو زده کونکي وکولی شي په حقیقتې بڼه ترې ګټه پورته کړي. وروسته د علمي چارو مرستیال، ښاغلي جمشید خان رشیدي هم په دې اړه خبرې وکړې او پوهنتون ته یې د اعتبار د درېیم پړاو د ترلاسه کولو له امله مبارکي وویله او له استادانو یې وغوښتل چې د دې ستر ویاړ ساتلو لپاره په خپلو څیړنو کې لا ډیري هڅي وکړي. سربیره پردې، د پوهنتون د علمي څیړنې د همغږۍ مرکز آمرآغلې نرګس ستانکزي، د ژوري هیأت ګمارنې په اړه اړین معلومات وړاندې کړل. وروسته، د استادانو د علمي کنفرانسونو وړاندې کولو لړۍ رسماً پیل شوه، د یادونې وړ ده چې یاد شوي کنفرانسونه د دوه ورځو لپاره په دوه محلونو کې وړاندې شو او د دوشنبې ورځ پای ته ورسیدل.
