د شهید استاد رباني د ښوونې او روزنې پوهنتون کې د ۱۴۰۰ کال عمومي کانکور ازموینه واخیستل شوه
د ۱۴۰۰ لمریز کال د کانکور لومړی دور ازموینه د زمري میاشتې په ۱۴مه نېټه د پنجشنبې په ورځ د سهار په ۶:۳۰ دقیقو د شهید استاد رباني د ښوونې او روزنې پوهنتون او د ازموینو ملي ادارې د مشرتابه پلاوو په حضور کې واخیستل شو. په پيل کې د قرآنکریم څو مبارک آیتونه تلاوت شول او ورپسې د شهید استاد رباني د ښوونې او روزنې پوهنتون رئیسې آغلې پوهنوال لیلما شریفي یما تر هراړخیزو خبرو وروسته د ازموینو ملي ادارې محترم پلاوي ته ښه راغلاست ووایه او د کانکور ګډونوالو ته یې د بریالیتوب هیله وکړه. ورپسې د ازموینو ملي ادارې رئیس ښاغلي پوهاند عبدالقدیر خموش د شهید استاد رباني په ښوونې او روزنې پوهنتون کې د کانکور ازموینې پر بهیر نظارت وکړ او په دغه پوهنتون کې یې د کانکور د ازموینې بهیر پوره روڼ او منظم وباله، د ازموینو ملي ادارې د ممتحن پلاوي او تخنیکي ټیم او د شهید استاد رباني د ښوونې او روزنې پوهنتون د مسؤلینو له هڅو یې مننه وکړه.
په ننۍ ازموینه کې په لومړي دور کې شاوخوا (۲۸۰۰) داوطلبانو ګډون کړی او ازموینه د خدای جلجلاله په فضل سره په پوره راڼه ډول واخیستل شوه
