د داخلي او نړیوالو آنلاین کورسونو (افغان ایکس او ایډکس) مشخصول

د ۱۴۰۰ کال د زمري میاشتې په ۹مه نېټه د شنبې په ورځ د پوهنتون د علمي چارو د معاونیت په دفتر کې د استادانو د معرفۍ او د آنلاین کورسونو د عنوانونو ثبتولو لپاره د افغان ایکس او ایډکس آنلاین کورسونو د مشخصولو په اړه ناسته وشوه.

په دې ناسته کې د پوهنتون د علمي چارو مرستیال ښاغلي پوهاند جمشېد خان رشیدي، د نهه‌ګونو پوهنځیو رئیسانو او د ځينو څانګو آمرانو ګډون کړی و. ناسته د ښاغلي پوهاند جمشېد خان رشیدي په لارښودو خبرو پیل شوه. ښاغلي رشیدي د نهه‌ګونو پوهنځیو له رئیسانو وغوښتل چې د آنلاین کورسونو د ثبت لپاره خپل درې درې استادان د پوهنتون د معلوماتي ټکنالوژۍ محترم آمریت ته ور وپېژني. ناسته د ګډونوالو استادانو په پوښتنو او ځوابونو ختمه شوه.