د شهید استاد رباني ښوونې او روزنې پوهنتون او افغانستان د اداري فساد سره د مبارزې شبکې تر منځ هوکړه لیک لاسلیک شو
د ۱۳۹۹ کال د لړم په ۷ مه د چهارشنبې په ورځ، د شهید استاد رباني ښوونې او روزنې پوهنتون او افغانستان د اداري فساد سره د مبارزې شبکې رئیسانو له خوا، د اسلامي تعليماتو پوهنځي رياست په همغږۍ دوه اړخیزه هوکړه لیک لاسلیک شو. د دې هوکړه لیک اهداف د فساد سره د ګډې مبارزې سرته رسول، محصلانو ته د فساد له منځه وړلو په برخه کې د سیمینارونو او ورکشاپونو جوړول او د فساد سره د مبارزې په برخه کې د محصلانو نقش او ظرفیت لوړول دي. په غونډه کې د شهید استاد رباني ښوونې او روزنې پوهنتون رئیس آغلې پوهنوال لیلما شریفی یما، د اسلامی تعلماتو رییس ښاغلي پوهنیار سید هاشم امین، د نوموړي اداری اجرائیوي رییس ښاغلي خان زمان امرخیل، د عدالت غوښتنې څانګې مشر ښاغلي محمد ادریس همت، د مالی او اداري مسؤول ښاغلي محمد نظیف صافی، د اسلامي تعلیماتو پوهنځی یو شمیر استادانو او د نوموړی اداری همکارانو ګډوون درلود.
