د کابل ښوونې او روزنې، بامیان، البیروني او فاریاب پوهنتونو د علمي کادري بستونو تخصصي(تحریري) آزموینه واخېستل شوه!
د کابل ښوونې او روزنې پوهنتون د چاپېریال ساتنې او ورزشي مدیریت څانګو، بامیان پوهنتون د زده کړیز مدیریت او کیمیا څانګو، البیروني پوهنتون د کیمیا څانګې او فاریاب پوهنتون د بدني روزنې څانګې د علمي کادري بستونو د تخصصي(تحریري) آزموینې اخیستلو بهیر د یکشنبې ورځ ٢/٧/١٤٤٥ هــ.ق. چې له ٢٤/١٠/١٤٠٢ ه.ش. نېټې سره سمون لري د پوهنتون رئیس ښاغلي شیخ الحدیث مولوي سید بشیر آغا "هاشمي" علمي چارو مرستیال، پوهنځیو رئیسانو، د لوړو زده کړو وزارت د تقرر او ترفیعاتو ریاست پلاوي او استادانو په حضور کې واخېستل شوه.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د آزموینې له بهیر څخه د څارنې پرمهال د دې پروسې د شفافیت، امانتدارۍ، نظم او ډیسپلین اړوند ټولو حاضرینو ته ډاډ ورکړ، همدارنگه یې څرگنده کړه چې په پوهنتونونو کې د علمي کادرونو د ګمارنې معیار د نوماندانو وړتیا ته په کتو سره ترسره کیږي.
