کابل ښوونې او روزنې پوهنتون د ماسټرۍ څانګې د تیزسونو دفاع غونډه ترسره شوه!

دوشنبې ورځ د 11/10/1402 هـ.ش چې له 18/6/1445 هـ.ق نېټې سره سمون لري د کابل ښوونې او روزنې پوهنتون د ماسټرۍ څانګې د تیزسونو دفاع غونډه ترسره شوه.

غونډه د قرانکریم د څو مبارکو آیاتونو په تلاوت سره پیل شوه.

په یاده غونډه کې د پوهنتون رئیس، علمي چارو مرستیال، استادانو او ماسټرۍ څانګې مسؤولینو ګډون درلود.

لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې د غونډې ګډوونکوونکو ته د مبارکۍ تر څنګ ټولو فارغو محصلینو ته په ژوند کې د کامیابۍ او پرمختګ هیله وکړه او فارغو محصلینو ته یې د زده کړو دوام، نویو تحقیقي برخو کې د تیزسونو لیکلو او هېواد ته د خدمت کولو اړوند اړیني سپارېښتنې وکړې.

همدارنګه، ښاغلي پوهاند دوکتور جمشېدخان "رشیدي" د ماسټرۍ برنامو فارغ محصلینو ته مبارکي ورکړه او د تېزسونو ستونزو او ښېګڼو اړوند یې هراړخیز معلومات محصلینو سره شریک کړل.

د یادولو وړ ده چې د مدیریت او رهبرۍ او ښوونې او روزنې څانګو کې محصلینو له خپلو تېزسونو دفاع وکړه.