کابل ښوونې او روزنې پوهنتون اداري کارمندانو ته یو ورځنی ښوونیز ورکشاپ دایر شو!
چهارشنبه- ۲۸،۲،۱۴۴۸ ه.ق
کابل ښوونې او روزنې پوهنتون، مالي او اداري چارو معاونیت د کارکوونکو چارو امریت له لوري د محصلانو معاونیت په همغږۍ اداري کارمندانو ته " د مایکرو سافټ آفېس پروګرامونو سره د بلدتیا" تر سرلیک لاندې یو ورځنی ښوونیز ورکشاپ دایر شو، چې پکې د مایکروسافټ آفیس پروګرامونو اړوند د روزنې پر مهال ګډونوالو ته د اسنادو ترتیب، جدولونو جوړولو، راپورونو تنظیم او د برېښنالیکي اړیکو د اغېزمن استعمال په اړه عملي تمرینونه ورکړل شول.
په پیل کې، د مالي او اداري چارو مرستیال مولوي عبدالرحمن مرحوم په خپلو خبرو کې وویل: قدرمنو کارمندانو مونږ او تاسو ته چې کوم مسؤلیت راسپارل شوی باید په سمه توګه یې اداء کړو او خپلو دندو ته زیاته توجه وکړو، اړینه ده چې په خپلو دندو کې د صداقت او ایماندارۍ ترڅنګ له کارمندانو او محصلینو سره ښه سلوک او رویه وکړو.
دغه ورکشاپ د محصلانو معاونیت اړوند د ورکشاپونو ترېنر عبدالرشید سامع له لوري وړاندې شو او د ذکر شویو موضوعاتو اړوند یې ګډونوالو سره هراړخیز معلومات شریک کړل.
د نشراتو او عامه اړیکو امریت
