کابل ښوونې او روزنې پوهنتون استادانو ته د لومړنیو صحي مرستو رسولو ترسرلیک لاندې یو ورځنۍ سیمینار وړاندې شو!
١٥/٨/١٤٤٧ هــ ق، سه شنبه
د سهار ستوري کلینیک له لوري د کابل ښوونې او روزنې پوهنتون استادانو ته ( د لومړنیو صحي مرستو رسولو) ترسرلیک لاندې یو ورځنۍ سیمینار د کابل ښوونې او روزنې پوهنتون علمي چارو مرستیال، استادانو مسلکي انکشاف آمر، مسؤولینو او استادانو په ګډون پيل شو.
سیمینار د قرآنکریم د څو مبارکو آیتونو په تلاوت سره پیل شو.
د علمي چارو مرستیال ښاغلي مولوي احسان الله"ناصح" د غونډې ګډونوالو ته د ښه راغلاست ترڅنګ د اسلام له نظره صحي برخو ته د توجه کولو، د بدني صحتمنتیا په پار د چاپېریال پاک ساتنې او د انساني وجیبې اداء کولو په پار په لومړنیو صحي مرستو کې له یو بل سره همکاریو اړوند هراړخیزي خبرې وکړې او استادانو ته یې له سیمینار څخه د پوره ګټه اخیستلو اړوند لازمې سپارېښتنې وکړې.
همدارنګه، د استادانو مسلکي انکشاف آمر ښاغلي پوهنوال دوکتور عبدالجبار "څپاند" د یاد سیمینار ارزښت او ضرورتونو اړوند هر اړخیزې خبرې وکړې.
وروسته له مقدماتي خبرو، یاد سیمینار د ښاغلي ډاکټر عبیدالله"رسولي" لخوا رسماً پیل او په تشریحي او عملي برخو کې هراړخیز معلومات له استادانو سره شریک کړل.
