کابل ښوونې او روزنې پوهنتون علمي شورا غونډه ترسره شوه.
شنبې ورځ د ٣١/٦/١٤٠٣ ه.ش چې له ١٨/٣/١٤٤٦ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د علمي شورا غړو ته د ښه راغلاست ترڅنګ د اداري سلسله مراتبو رعایت کولو، د معاونیتونو او پوهنځیو ترمنځ همغږۍ او د محصلینو نظم او دسپلین اړوند خبرې وکړې، همدارنګه یې د ١٤٠٣ کال د دوه ربعو د لاسته راوړنو او فعالیتونو ګزارش د علمي شورا غړو سره شریک کړ چې د علمي شورا غړو لخوا تأیید شو.
وروسته د مالي او اداري چارو مرستیال ښاغلي مولوي حضرت ولي"زبیر" د مالي او اداري چارو اړوند آمریتونو د ١٤٠٣ کال دوه ربعو ګزارش د علمي شورا غړو ته وړاندې کړ چې د علمي شورا لخوا تأیید شو.
د غونډې په جریان کې د پوهنتون علمي شورا غړو د لاندې موضوګانو اړوند:
د پوهنتون ریاست اړوند د دوه ربعو ګزارش تأییدي، د مالي او اداري چارو معاونیت د دوه ربعو ګزارش تأییدي، د بهرینو ژبو او ادبیاتو پوهنځي د اېجادولو، د پوهنتون اړوند کنفرانسونو او سیمینارونو کې د استادانو ګډون او د استادانو تقرر، ترفېع او انفکاک دوسیو څېړلو اړوند بحث او خبرې وشوې چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
