کابل ښوونې او روزنې پوهنتون او جهان خصوصي پوهنتون تر منځ د دوه اړخیزو همکاریو هوکړه لیک لاسلیک شو!
سې شنبې ورځ د ٩/٥/١٤٠٣ ه.ش چې له ٢٤/١/١٤٤٦ ه.ق نېټې سره سمون لري د کابل ښوونې او روزنې پوهنتون او جهان خصوصي پوهنتون تر منځ په دوه اړخیزو علمي او تحقیقي برخو کې هوکړه لیک د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او جهان خصوصي پوهنتون علمي چارو مرستیال ښاغلي دوکتور محمدسالم"حمیدی" ترمنځ لاسلیک شو.
کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" د یاد هوکړه لیک اړوند خوښي څرګنده کړه، او د دواړو خواوو ترمنځ د هوکړه لیک په تطبیق کولو یې تأکید وکړ، زیاته یې کړه، کابل ښوونې او روزنې پوهنتون د هېواد په سطحه یو اکاډمیک پوهنتون دی چې مسلکي ښوونکي ټولنې ته وړاندې کوي او د دې هوکړه لیک په تطبیق به په علمي برخه کې د دواړو خواوو ستونزې حل او د هېواد پرمختګ لپاره به یو ځای خدمت وکړو
یاد هوکړه لیک چې په پینځو(٥)مادو کې ترتیب او د کابل ښوونې او روزنې پوهنتون او جهان خصوصي پوهنتون ترمنځ په علمي او تحقیقي برخو کې د (سیمینارونو او ورکشاپونو دایرولو، ظرفیت لوړاوي، آنلاین کتابتون څخه ګټه اخیستنې، علمي مجلو کې د تحقیقي آثارو چاپ، سیر علمي برنامو برابرولو او نورو برخو کې د دوه اړخیزو ګډه همکاريو)اړوند لاسلیک شو.
یاده غونډه د هوکړه لیک په لاسلیک او دعایې ویلو سره پای ته ورسېد.
