کابل ښوونې او روزنې پوهنتون د ارواپوهنې پوهنځي رئیس پېژند غونډه!
سې شنبې ورځ د ١٠/١/١٤٤٦ ه.ق چې له ۲۶/٤/١٤٠٣ ه.ش نېټې سره سمون لري د کابل ښوونې او روزنې پوهنتون د ارواپوهنې پوهنځي ریاست ته د ښاغلي پوهنیار سید بدرالدین "نصرت" د پېژندنې په مناسبت، چې د کابل ښوونې او روزنې پوهنتون رئیس، علمي چارو مرستیال، ارواپوهنې پوهنځی استادانو او کارمندانو ګډون درلود غونډه ترسره شوه.
غونډه د قرآنکریم د څو مبارکو آیتونو په تلاوت سره پیل شوه.
لومړی، د کابل ښوونې او روزنې پوهنتون رئیس ښاغلي شیخ الحدیث سید بشیرآغا "هاشمي" وویل: د ښاغلی پوهنیار سید بدرالدین "نصرت" د لوړو زده کړو وزارت د وړاندیز او د ریاست الوزراء محترم مقام د حکم په اساس د ارواپوهنې پوهنځي رئیس په توګه ټاکل کېدو مبارکي وایم، زیاته یې کړه: ښاغلی "نصرت" د دیني او علمي استعداد خاوند دی د الله تعالی له درباره ورته په چارو کې کامیابي غوارو او هیله لرو چې د پوهنتون د پرمختګ په برخه کې هېڅ ډول کوښښونه ونه سپموي.
وروسته د پوهنتون علمي چارو مرستیال ښاغلي پوهاند دوکتور جمشېدخان “رشیدي” د مبارکۍ ترڅنګ له ښاغلي نصرت صاحب څخه وغوښتل چې د خپلو تجربو او فکرونو په مرسته د پوهنتون د پرمختګ په برخه کې له مونږ سره همکار اوسي.
په پای کې ښاغلي پوهنیار سید بدرالدین "نصرت" د ا.ا.ا او لوړو زدهکړو وزارت مقام له باور څخه په مننې سره وویل: د ا.ا.ا، لوړو زده کړو وزارت او کابل ښوونې او روزنې پوهنتون ریاست مقام ته ته ډاډ ورکوم چې هېڅ ډول هڅې به ونه سپموم او کوم مسؤولیت چې راته سپارل شوی په ښه توګه به یې ادا کړم.
په آخر کې غونډه د خیر په دعا سره پای ته ورسېده.
