د کابل ښوونې او روزنې پوهنتون د دوکتورا په کچه فارغ استادانو ته د قدردانۍ غونډې ترسره شوې!
چهارشنبې ورځ د ۱/۶/۱۴۰۲ هــ.ش چې له ۶/۲/۱۴۴۵ هــ.ق نېټې سره سمون لري د دري ژبو او ادبیاتو او ټولنپوهنې څانګو لخوا د کابل ښوونې او روزنې پوهنتون د دوکتورا په کچه فارغ استادانو ته د قدرانۍ غونډې ترسره کړې.
غونډې د قرآنکریم د څو مبارکو آیاتونو په تلاوت سره پیل شوې.
په یادو غونډو کې د پوهنتون معاونینو، د ژبو او ادبیاتو او ټولنیزو علومو پوهنځیو رئیسانو، استادانو او اداري کارمندانو ګډون درلود، د پوهنځیو رئیسانو یادو استادانو ته د دوکتورا زده کړو پای ته رسولو په پار مبارکي ورکړه او د الله ﷻ له دربار څخه یې ورته د زیات عمر او د هېواد بچیو ته د ښه خدمت کولو غوښتنه وکړه.
د یادونې وړ ده چې ښاغلي پوهاند دوکتور جمشېدخان "رشیدي " د کابل پوهنتون له پښتو څانګې، ښاغلي پوهاند دوکتور فضل الحق "فضل" او ښاغلي پوهندوی دوکتور عبدالخالق"حیدري" د کابل پوهنتون له دري څانکې او ښاغلي پوهاند عبدالواحد "جهید" له ایران هېواد څخه د فقهې په برخه کې د دوکتورا سندونه تر لاسه او زده کړې پای ته ورسولې.
په پای کې غونډې د دعایې په ویلو سره پای ته ورسېده.
