کابل ښوونې او روزنې پوهنتون د پوهنځيو تدریسي مدیرانو ته د (HEMIS) معلوماتي سیسټم ښوونیز ترنېنګ !
دوشنبې ورځ د 28/12/1444 هـ.ق چې، له 1402/4/26 هــ.ش سره سمون لري د پوهنتون معلوماتي تکنالوژۍ څانګې د پوهنځيو تدریسي مدیرانو ته د (HEMIS) معلوماتي سیسټم د زدهکړې په نامه ترنېنګ جوړ کړ.
یاد ترنېنګ د نههګونو پوهنځیو تدریسي مدیرانو ته د پوهنتون په (ICT) مرکز کې د یوې ورځې لپاره جوړ شو، په یاد ترنېنګ کې د پوهنتون معلوماتي تکنالوژۍ څانګې آمر ښاغلي محمدمنصور واحدي، د (HEMIS) معلوماتي سیسټم مسؤول او ترېنر ښاغلي حکمت الله همت او د پوهنځيو تدریسي مدیرانو ګډون کړی وو.
لومړی د (HEMIS) معلوماتي سیسټم مسؤول او ترېنر ښاغلي حکمت الله همت د لوړو زدهکړو وزارت د (HEMIS) معلوماتي سیسټم د ارزښت او په نوموړي سیسټم کې د نویو برخو رامنځته کېدو، د سمسټر د پایلو جدول او د اونیو د تنظیم چې د تدریسي مدیرانو او سیسټم د اډمین اختیار دی د ښېګڼو په اړه خبرې وکړې او ویې ویل: چې په یاد سیسټم کې د نویو برخو رامنځته کېدل، د سمسټر د پایلو جدول او د سمسټر اونیو تنظیم د سمسټر تر بېرته عادي کېدلو (16 اونیو) پورې مهم وګڼل، همدارنګه د ترنېنګ له ګډونوالو یې وغوښتل چې له یاد ترنېنګ څخه پوره ګټه واخلي ترڅو په یاد سیسټم کې شته ستونزې د امکان تر حده حل شي.
وروسته د یاد سیسټم ترېنر ښاغلي همت د (HEMIS) سیسټم کې د نویو برخو رامنځته کېدو، د سمسټر د پایلو جدول او د اونیو د تنظیم په اړه هر اړخیز معلومات وړاندې کړل، او ویې ویل چې، په دې برخه کې د پوهنتون، لوړو زده کړو وزارت او د هېواد پوهنتونونو سره هر ډول همکارۍ ته چمتو دی.
ورپسې ترنېنګ عملاً پیل شو.
