د کابل ښوونې او روزنې پوهنتون د غونډو په تالار کې د قرانکریم د نزول په مناسبت کنفرانس تر سره شو!
د ١٤٤٤ کال د روژې مبارکې میاشتې په (٢٠) د دوشنبې په ورځ د یاد پوهنتون خدمات محصلانو چارو څانګې او اسلامي علومو پوهنځي له لوري د مسلمانانو د دغه سپېڅلي کتاب د نزول په مناسبت یاد کنفرانس په عمومي تالار کې ترسره شو.
کنفرانس د پوهنتون د مالي او اداري چارو معاون، د پوهنځیو رئیسانو، استادانو، اداري څانګو آمرینو، کارمندانو او د محصلینو په ګډون د قرانکریم د څو مبارکو آیاتونو په تلاوت سره پیل شو.
په لومړي سر کې د دعوت او ارشاد څانګې آمر ښاغلي ذبیح الله “عابد” د قرانکریم د نزول په اړه غونډې ته د قرانکریم د نزول، احکامو، سبب، برکت او شفاعت په هکله د ټولو ګډونکوونکو سره په زړه پورې معلومات شریک کړل.
وروسته د اسلامي علومو پوهنځي رئیس ښاغلي پوهنمل دوکتور عبدالقدوس “مظهري” د لیلة القدر شپې فضیلت د قرانکریم او احادیثو په په رڼا کې بیان کړ.
همدارنګه د اسلامي علومو پوهنځي استاد ښاغلي پوهندوی دوکتور محمد ولي “حنیف” په خپله وینا کې د روژې مبارکې د لسو آخري ورځو د فویوضاتو او عباداتو په هکله خبرې وکړې او د اعتکاف په کولو یې ټولو ګډونکوونکو ته ټینګار وکړ.
په پای کې د پوهنتون د دفتر څانګې آمر ښاغلي مولوي محمود الحسن “محمود” په خپله وینا کې د قرانکریم د شان، آسماني کتابونو تر منځ د قرآنکریم د مقام، فضایلو او د هغه د نزول په اړه خبرې وکړې او ټولو محصلینو ته یې توصیه وکړه، چې په اسلامي قواعدو، دستوراتو او نبوي سنتو ځانونه برابر کړي او د اسلامي نظام پابند اوسي.
د یادونې وړ ده، چې پدې کنفرانس کې له محصلینو څخه د قرانکریم د نزول په اړه د آزادې سیالۍ په بڼه ځینې دیني پوښتنې وشوې، چې د صحیح ځواب درلودوونکو محصلینو ته د ډالۍ په ورکولو او د دعا په ویلو سره کنفرانس پای ته ورسېد.
