د افغانستان ښوونیزو او لوړو زده کړو بنسټونو پیاوړتیا ملي کنفرانس د نتایجو د تطبیق غونډه ترسره شوه!
دوشنبې ورځ ٨/٩/۱۴۴۵ ه.ق چې له ٢٨/١٢/١٤٠٢ ه.ش نېټې سره سمون لري د کابل ښوونې او روزنې پوهنتون، لوړو زده کړو وزارت او پوهنې وزارت ترمنځ د افغانستان ښوونیزو او لوړو زده کړو بنسټونو پیاوړتیا ملي کنفرانس د نتایجو د تطبیق د کمېټې جورښت په پار غونډه د کابل ښوونې او روزنې پوهنتون رئیس، لوړو زده کړو وزارت د تحقیق، تألیف او ترجمې رئیس، پوهنې وزارت د تحقیقاتو رئیس او د کابل ښوونې او روزنې پوهنتون معاونینو په ګډون ترسره شوه.
غوڼده د قرآنکریم د څو مبارکو آیاتونو په تلاوت سره پیل شو.
لومړی، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ د ملي کنفرانس په بریالی توګه پای ته رسېدو اړوند خوښي څرګنده کړه، زیاته یې کړه: د کنفرانس نتایجو تطبیق لپاره به کمېټه اېجاد شي، چې د کنفرانس ټولې برخې به وڅېړي او د ملي کنفرانس له لاسته راوړنو به د لوړو زده کړو وزارت او د پوهنې وزارت پوره ګټه واخلي.
د غونډې په جریان کې د ګډوونکونکو لخوا د لاندې موضوعاتو :
د کنفرانس نتایجو د تطبیق کمېټې جورښت، د ملي کنفرانس نتایجو تطبیق او د راتلوونکې غونډې دایرېدلو اړوند بحث او خبرې وشوې
د یادولو وړ ده چې د ملي کنفرانس د نتایجو د تطبیق راتلوونکې غونډه به په پوهنې وزارت کې ترسره شي.
