د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري(رهبري) شورا غړو په ګډون ترسره شوه!
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ مولوي عبدالحکیم"حمدي" د پیل وینا وکړه او پوهنتون کې یې د استادانو او کارمندانو د نه ستړې کېدونکو هڅو او علمي خدمتونو قدرداني وکړه. ښاغلي رئیس صاحب خپلو خبرو کې یې وویل: د پوهنتون استادان باید له راتلونکي درې میاشتو رخصتیو څخه په ګته اخیستنې سره محصلینو لپاره تقویتي کورسونه دایر کړي او د څېړنو، مقالو لیکلو، تقویتي کورسونو او سیمینارو په ترسره کولو کې پوره زیار او کوښښ وکړي، همدارنګه یې زیاته کړه: د کابل ښوونې او روزنې پوهنتون د استادانو د روزنې اکاډمیک مرکز دی او باید د هېواد د علمي پرمختګ په لومړۍ کرښه کې ولاړ وي. او پوهنتون باید د وزارت د ستراتیژیکو پریکړو په عملي کولو، د استادانو د ظرفیت لوړونې، او د محصلینو د علمي روزنې په برخه کې بېلګه اوسي.
وروسته، د اداري شورا غړو د لاندې موضوعاتو:
( ژمني موسم کې محصلینو ته د کورسونو دایرولو، د پوهنتون څېړنو مرکز ته د وسایلو خریداری، د طبیعي علومو لابرانت د کتابتون مدیریت ته تبدیلی، د تېرې غوندې پریکړو ته بیا کتنه او متفرقه موضوعاتو) اړوند مفصل بحث او خبرې وکړې.
غونډه د دعایې په ویلو سره پای ته ورسېده
