د افغانستان ښوونیزو او لوړو زده کړو بنسټونو پیاوړتیا ملي کنفرانس د نتایجو تطبیق لپاره درېیمه غونډه ترسره شوه!
چهارشنبې ورځ ٥/١٢/۱۴۴۵ ه.ق چې له ٢٣/٣/١٤٠٣ ه.ش نېټې سره سمون لري د کابل ښوونې او روزنې پوهنتون او پوهنې وزارت ترمنځ د افغانستان ښوونیزو او لوړو زده کړو بنسټونو پیاوړتیا ملي کنفرانس د نتایجو تطبیق په پار درېیمه غونډه د کابل ښوونې او روزنې پوهنتون رئیس، پوهنې وزارت د نصاب او مسلکي انکشاف رئیس او مل پلاوي او د کابل ښوونې او روزنې پوهنتون تحقیقاتو او علمي مجلو معاون په ګډون ترسره شوه.
غوڼده د قرآنکریم د څو مبارکو آیاتونو په تلاوت سره پیل شو.
لومړی، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، د ملي کنفرانس د نتایجو تطبیق اړوند هرارخیزې خبرې وکړې، زیاته یې کړه: د ملي کنفرانس نتایج باید په سمه توګه تطبیق شي، چې ټولې لاسته راوړنې به د لوړو زده کړو وزارت او پوهنې وزارت سره شریکې شي او د کنفرانس نتایجو تطبیق لپاره به ښاغلی مولوي اول ګل "ایوبی" هم د نتایجو تطبیق کمېټې غړی شي، د یادې کمېټې غړي به د کنفرانس ټولې برخې وڅېړي او د کنفرانس له لاسته راوړنو به د لوړو زده کړو وزارت او د پوهنې وزارت پوره ګټه واخلي.
د غونډې په جریان کې د ګډوونکونکو لخوا د لاندې موضوعاتو :
د ملي کنفرانس نتایجو تطبیق میکانیزم او د راتلوونکې غونډې دایرېدلو اړوند بحث او خبرې وشوې
د یادولو وړ ده چې د پوهنې وزارت د نصاب او مسلکي انکشاف رئیس ښاغلي مولوي اول ګل "ایوبي" د یاد وزارت له لوري د ملي کنفرانس د نتایجو تطبیق کمېټې غړیتوب ترلاسه کولو لپاره کابل ښوونې او روزنې پوهنتون ته تشریف راوړی وو.
