د کابل ښوونې او روزنې پوهنتون کې د کادري بستونو لپاره د انګلیسي آزموینه واخېستل شوه.
د سه شنبې په ورځ ۳۱/۳/۱۴۰۱هـ ش نېټه د کابل ښوونې او روزنې پوهنتون د علمي چارو مرستیال پوهاند جمشید خان رشیدي د آزموینې بهیر څخه د لیدنې پر مهال استادانو ته سپارښتنه وکړه چې، ګډونوالو نوماندانو ته په ښه توګه لارښوونه وکړي او آزموينه دې د علمي نورمونو او اصولو سره سمه په شفافه توګه واخېستل شي چې، د هغوي له خوا د اجرااتو ډاډ ورکړل شو.
د انګلیسي ژبې آزموینه د کابل ښوونې او روزنې پوهنتون د ژبو او ادبیاتو پوهنځي له خوا د بېلابېلو پوهنځیو او ډیپارټمینټو د اعلان شویو کادري بستونو لپاره واخېستل شوه چې، د آزموینې نوماندانو په کې ګډون درلود.
د غونډې په پاى کې د ټولو ګډونوالو په حضور کې د پوښتنپاڼو لپاره د کمپیوترو یوزرونونه خلاص او رسماً آزموينه پيل شوه چې، د کابل ښوونې او روزنې پوهنتون د علمي چارو مرستیال پوهاند جمشید خان رشیدي، د لوړو زده کړو وزارت فوق العاده استازی او د پوهنتون مالي او اداري چارو مرستیال انجینرسردارولي صالحي او د محصلانو چارو مرستیال پوهنیار فضل الربي فضلي د استادانو په ملتيا د آزموينې له صحنې څخه لیدنه وکړه.
